جەماوەرێ خۆڕاگر و دلسۆزێ پارێزگەها دهۆکێ..
کەس و کارێن سەربلندێن شەهیدان..

14ێ ئادارێ د دیرۆکا مە دا ڕۆژەکا ئاسایی نینە، بەلکو ڕۆژا دوو هەلکەفتێن مەزن و پیرۆزە، ژبەرکو بیرەوەرییا دوو ڕوودانێن مەزن و دیرووکییە، کو ئەو ژی 123ـەمین سالیادا ژدایکبوونا بابێ ڕۆحیێ نەتەوەیا کورد بارزانیێ نەمر، کو دھەمان دەمدا بیرەوەرییا خەبات و قوربانیدانا گەلێ کوردستانێ یە و 35ـەمین سالڤەگەڕا سەرهلدانا باژێڕێ دهۆکێ یە.

خەلکێ شەرەفمەندێ دهۆکێ د ڕۆژەکا وەکی ئەڤڕۆ ل 14ێ ئادارا 1991، ب هەمی تەخ و توێژێن خۆ ڤە، ب پشتەڤانییا هێزێن پێشمەرگەیێن کوردستانێ، ب ئازادکرنا باژێڕێ خۆ ژ ستەم و داگیرکاریا ڕژێما بەعسا ژ ناڤچوویی، بھاترین و مەزنترین دیاری پێشکێشی رحا زیندییا بارزانیێ نەمر کر و شانازیەکا دی د ناڤ لاپەڕێن مێژوویا باژێڕێ خۆ دا تۆمارکر.

خەلکێ دهۆکێ د وێ ڕۆژێ دا سەلماند کو ڕێبازا بارزانیێ نەمر ڕۆناھیا ڕێیا ئازادیێ و ڕزگاریێ یە و د دل و ناخێ ھەر تاکەکێ کوردستانی دا زیندیە و چ ھێز نەشێن وێ ڕێبازێ و عشقا ئازادیێ د دلێ وان دا بکوژن.
لەوما خەلکێ ئازادیخوازێ دھۆکێ ب ھەمی تەخ و توێژێن خۆڤە ب پشتەڤانیا ھێزا نەبەزا پێشمەرگەی، هەمی دام و دەزگەهێن تاریێ یێن ڕژێما بەعس ل ناڤا باژێڕێ خۆ ڕامالین و ئالایێ پیرۆزێ کوردستانێ ل سەر بلنداهیێن دهۆکێ شەکاندن و جەژنا ژدایکبوونا بارزانیێ نەمر ب ئازادکرنا باژێڕێ خۆ کرە دوو جەژن..

خەلکێ کوردستانێ ب گشتی و یێ دھۆکێ بتایبەتی د ڕۆژا سەرھەلدانا پیرۆز دا سەلماند، کو قەیدێن زۆرداریێ د چەند قائێمبن و ھێزا دوژمنی چەندا مەزن بیت، ل هەمبەر ئیرادەیا گەلەکێ تێھنی بۆ ئازادیێ نابنە بەربەست و دێ د وەڵاتێ خۆ دا ب ئازادیا خۆ شاد و سەرفەراز بیت.

د دەمەکی دا کو ئەم ب ناڤێ مەکتەبا ڕێکخستنا پارتی دیمۆکراتی کوردستان ل پارێزگەها دهۆکێ، ڤان ھەردوو جەژن و بیرەوەریێن مەزن ل ھەمی خەلکێ دەڤەرێ و کوردستانێ پیرۆز دکەین، دوپات دکەین، کو مان و سەرفەرازییا مە، گرێدایی وەفاداریا مە یە، بۆ خوینا پیرۆزا شەھیدێن قەھرەمان و گرێدایی پاراستنا دەستکەفتیێن شۆڕشێن ئەیلۆل و گولان و سەرھەلدانێ یە.

ئەو دهۆکا ل ڕوژا ژ دایکبوونا بارزانیێ نەمر دا ئازاد بووی، دێ هەردەم مینا کەلھەکا ئاسێ و خورستیا پاراستنا ڕێبازا پیرۆزا کوردایەتیێ و قەوارێ یاسایی و دەستووریێ ھەرێما کوردستانێ مینیت و دێ د سەنگەرێن پێشیێ یێن بەڕەڤانیکرنێ ژ ئاخا پیرۆزا کودستانێ دا بیت، ھەتا بدەستڤەئینا ھەمی خەون و ئارمانجێن گەلێ مە.

ھزار سڵاڤ ل 123ـەمین سالیادا ژ دایکبوونا بارزانیێ نەمر و 35 مین بیرەوەریا سەرھەلدانا باژێڕێ دھۆکا خۆڕاگر.

هزار سلاڤ ل گیانێ پاکێ شەهیدێن سەرهلدانا دهۆکێ و هەمی شەهیدێن ڕێیا ڕزگاریا کوردستانێ و سەروەرێ شەھیدان بارزانیێ نەمر و کاک ئدریسێ ھەڕدەم ساخ.
کوردستان ھەرا ئارام وئاڤەدانبیت.

مەکتەبا ڕێکخستنا پارتی دیمۆکراتی کوردستان ل پارێزگەها دهۆکێ
14ێ ئادارا 2026