ئەڤرۆ، ڕێکەفتی 6ـی گولانا 2026، ل بەشێ ناڤخۆیێ کچان یێ زانکۆیا دهۆک، دکتۆرە ڤیان سلێمان ئەنداما کۆمیتەیا ناڤین و هاریکارا بەرپرسێ مەکتەبا ڕێکخستنا پ. د. ک ل بەهدینان سمینارەک ل دۆر “ڕۆل و ئەرکێ گەنجێن کچ دناڤ جڤاکێ دا” پێشکێشی ئامادەبوویان کر.
ئەڤ سمینارە ژ لایێ سەنتەرێ شیرەتکاریێ دەروونی و جڤاکی و خزمەتێن قوتابیان ل زانکۆیا دهۆک هاتبوو ڕێکخستن.
د سمینارا خۆدا دکتۆرە ڤیان سلێمان جەخت ل سەر ڤان خالێن جەوهەری کرن:
*دەستکەفتێن ئەڤرۆ و چەوانیا ب دەستڤەئینانا وان.
*شۆڕەش و خەبات ل پێخەمەت نەهێلانا زولمێ ل کوردستانێ.
*کەسایەتی و پێگەهێ گەنجێن کچ د جڤاکێ ئەڤرۆ دا.
* گرنگیا زێدەکرنا ڕۆلێ کچان د بوارێن زانستی، ئیداری، ئابووری و سیاسی دا.
* پاراستنا مافێن قوتابیێن کچ و دەستەبەرکرنا ژینگەها خواندنێ یا ساخلەم.
* بەرزکرنا هۆشیاریا دەروونی و جڤاکی د ناڤ قوتابیان دا.
ل دووماهیێ هاتە دووپاتکرن کو هەماهەنگی و پێکڤەکارکرنا دناڤبەرا تاکێن جڤاکی، خەلک و حکومەتێ، مەرجێ سەرەکیێ سەرکەفتن و پێشڤەچوونا جڤاکێ کوردستانێ یە.
