نڤێسین: خالد ئەحمەد

پرۆژەیێ ڕۆژهەلاتا ناڤینا مەزن، ئەوێ سەرۆک بۆش یێ کوڕ، پشتی کریارا 11سیپتەمبەرێ ڕاگەھاندی، کو سەر ژ نوی داڕشتنا نەخشەیێ ڕۆژهەلاتا ناڤین دانیت، کو نوکە گەهشتیە د قووناغەکا پێشکەفتی دا، بەلکو د ناڤەڕاستا ئاڤاکرنا پڕۆژەی دایە..

* بهارا عەرەبی و سەرهلدانا گروپێن تیرورستی یێن ڕادیکال یێن ئیسلامی، شیعە و سونە، ب ئارمانجا دروستکرنا بەرەلاییا چێکری، دەسپێکرنا نەهێلانا تێگەهێ سەروەریا وەلاتان و ڤەکرنا دەرگەهێ مایتێکرنا هەرێمی و نیڤدەولەتی وەک قووناغا ئێکێ یا پڕوژەی.

* بهيزكرنا هەژمۆنا شۆڕشا ئیسلامی یا ئیرانێ ل دەڤەرێ بەلانسێ هێزا هەرێمی تێکدا و دەرگەهێ ب هێزکرنا پێگەێ هێزێن نیڤدەولەتی ل پێشیا وان ئەمریکا مکومکر.

* هێرشا (طوفان الاقصی) 2023 ڕەوایەتی دا ئیسرائیل، کو پرسگرێکا فلسطینێ ب دوماهیک بینیت و وەک زلهێزەکا بێ ڕکابەر و دەست ڤەکری ل دەڤەرێ دەرکەڤیت.

* گروپێ (بریکس) زەنگا مەترسیا ئابووری ب هریانا بهایێ دۆلارێ لێدا، هێزا خوە ژ فروتنا پترولێ ب دۆلاری وەردگریت و ئەمریکا ب لەز میز سەروبن کر ب سەرداگرتنا پترۆلا فینزویلا و گرتنا گەورییا هورمز.

دەرئەنجام سیمایێ ڕۆژهەلاتا ناڤینێ مەزن، ل سەر سێ ستوینێن سەرەکێ دهێتە ئاڤاکرن:
* ئاسایشا ئیسرائیلێ ب پلا ئێکێ ب دوو ئاراسەیان دھێت:
ـ مەزنکرنا جوگرافیا ئیسرائیلێ.
ـ بچویککرنا جوگرفیا دەولەتێن دەردورێن وێ.
* کونترۆلکرنا سەروکانێن وزێ، ژ پترۆل و گازێ، ب تایبەت ل کەنداڤی و ئیرانێ.
* کونترۆلکرنا ڕێکێن بازرگانیا جیهانی ل دەڤەرێ، ب تایبەت گەورییا هورمز، ب مەرەما ڕێگریکرنێ ل هەمبەری ڕێکا ئارمیشی یا نوی.

بڤێ ئاواێ، دەڤەر دێ دزنجیرەکا شەرێن دژوار و ئێکلاکەر دا دەرباز بیتن و وەلاتێن ڕۆژهەلاتا ئیسرائیل، هەتا ئیرانێ دێ گۆڕەپانا ڤان شەران بن، هەبوون و مانەڤەیا ڕژێما ئیرانێ بۆ ماویەکێ دیتر، دێ گەرەنتیا سەرهلدانا ڤان شەرا کەتن و هەژمۆنا ئیسرئیلێ بەرفرەترکەتن، لەوما ئەڤ شەڕە دێ ڤەکێشن، دبیت جهەکی ڤەمریت و ل جهەکێ دی سەرهلدەتن..

کورد ئەگەر ل خوە تێکنەدەن، د هەر سێ ستوینێن کو نەخشایا ڕۆژهەلاتا ناڤەراستا نوی، ل سەر دھێتە ئاڤاکرن، د گرنگن و خودان ڕۆڵ و پێگەھن.